Category Archives: 所有新聞

余氏一家三口申請馬來西亞「第二家園」計劃（下稱MM2H），開宗明義不是逆權逃兵，早年已密謀投資移民，覺得全球一體化、香港樓價高、生活指數高，同樣價錢是其他國家可以換來更好享受。雨傘運動是其中一個催化劑，預算300萬至400萬元走出香港。他說有人覺得台灣好，但他們覺得將來與香港前途一樣，紐西蘭就被拒諸門外，最終選擇馬來西亞，因為門檻低，定存15萬元還有4厘息口。香港是我家？「去到邊，生存到，開心嘅，每個地方都係家。」MM2H當是保障下一代，買條後路給余家，最新余生一家三口的申請已獲批。 做貿易小生意的余生10年前打算移民，不過當時忙於公司業務未有實際行動，「近年年紀大，諗一諗，有無一個地方可以作為棲身之所。香港樓價貴，生活指數高，同外國比，錢係用咁多，但未必有咁嘅回報同享受。香港是我家？我哋無諗㗎啦，去到邊，生存到，開心嘅，每個地方都係家。行行企企，唔係咁自在，邊個家都無用喇！」 他不諱言，雨傘運動是其中一個催化劑，「做人做事，要諗多樣嘢，保一保障」，「移民睇長線，唔係一時三刻。唔一定成個人揼晒過去，投資晒落去。就算唔係好有錢，或者有少少嘅，可以將啲嘢搬啲過去。全球一體化，你可以將啲嘢分散吓。你覺得好嘅嘢，你仔女未必覺得好，如果有機會再有下一代（孫），佢覺得香港真係唔好。前人唔做，後人去做，如果後人未必做得到，當問題到，就麻煩。始終攞多個保障好啲、著數啲，唔係放棄呢度。我哋都係香港出世，香港長大。又唔會話走，唔返來嘅。（為自己買條後路？）可以咁講。」聽到老公堅持移民，余太表示，初期不太接受，「我係香港人，根在香港。」 幾年前着手行動，預算300萬至400萬港元，台灣、泰國、紐西蘭都曾是目標之一，「台灣，始終政治敏感度高，唔知台灣同內地關係會點。就算揸住台灣護照……」余太接着說：「等於香港，無分別！」余生補充：「好坦白，邦交國越來越少，你唔知廿年、卅年後，再下一代佢揸台灣護照仲慘過揸其他國家護照。有啲人覺得台灣ok，人人睇法唔同，我哋就無諗台灣。」余太又接着講到他們申請紐西蘭移民，「係非常非常之難，好複雜，乜都pass晒，嗰邊（紐西蘭）唔批就唔批。見到我哋香港人同中國人就更加敏感，總之你係香港人都當係中國人，更加機會低啲。」 余生說：「馬來西亞第二家園計劃好寬鬆，唔使揼咁多本錢。」他倆還到吉隆坡實地考察，「去之前覺得無咁先進，無咁多高樓大廈，去完之後第二個感覺。同深圳比較，設施較完善，睇到馬來西亞就好似80年代香港經濟起飛年代，好多高樓大廈起緊，四季如夏，唔驚冰天雪地。」 他們育有一名女兒，因為已年滿21歲，亦替她申請這個計劃，「攞多1個戶籍都係一種保障，當多一條出路。就算你買一層樓畀佢，皇宮咁靚，佢唔鐘意香港都無用。」6月至今逆權運動，余太感到香港變了，余生說：「呢個情況，無得預會去到邊，去到幾差。做人兩手準備囉！好似樓市咁，跌無人買、升有人追，移民唔係多錢少錢，等於買保險，唔係諗住今日買，聽日賠。我就睇得好化，啱唔啱，唔敢直接講。精神上支持，支持咩唔想直接講。唔想一個地方有咩影響，最好以和為貴。有時好多嘢我哋唔知有咩變遷，唔係我哋可以話到事。只可以見到好與唔好，自己分析衡量，唔係去到最尾先做。到時唔係唔得，辛苦啲，倉卒啲。」 第二家園計劃入場門檻低，以50歲作為分水嶺（過了50歲生日當作以上），50歲及以上申請人需要提供財務證明，包括流動資產35萬元馬幣（約70萬港元）及每月收入1萬馬幣（約2萬港元），49歲及以下所提供財務證明為流動資產50萬馬幣（約100萬港元）及每月收入1萬馬幣（約2萬港元）。經過財務證明批准後，申請人需要體檢、購買醫療保險及銀行定期存款，50歲及以上要求定存15萬馬幣（約30萬港元），49歲及以下要求定存30萬馬幣（約60萬港元）。通過財務需求後，申請者可獲多次入境社交簽證，期限10年，簽證可無限期續簽。申請者可攜帶配偶、年齡21歲以下的未婚孩子及60歲以上的父母，注意60歲以上的父母是指申請者父母，而不包括配偶的父母。至於申請者獲批簽證1年後，可從要求定存當中提取15萬馬幣（約30萬港元）用作買樓、買車、子女教育及醫療開支，但期間定存必須保留至少15萬馬幣（約30萬港元）。余生表示，當地定期存款年息近4厘。 目前余生在吉隆坡購入2個單位，其中一個單位約200萬港元，面積約1,000方呎，「你唔係去一個地方希望住大住細，你係去一個地方，你自己容納，開唔開心先。你唔開心，住邊都無用。」「第二家園」只是予申請者在馬來西亞暫住，不容許在當地受僱工作，他認為：「有得工作就唔係第二家園。門檻條件輕鬆，政策就唔會咁好福利。好多歐美國家，第一步都係畀你暫居。去到一個地方，你唔好貪心拎個護照，拎護照係另一件事。融入到地方，唔好麻煩到人。福利，睇你自己，有人貪福利移民。我求容納到就覺得OK，好多嘢唔可以計得咁多。」 人離鄉賤，被問會否擔心馬來西亞發生「排華」事件，余生回應：「完全正確，亦都有排華，我都有憂慮。但每個地方都有機會變好定唔好。我係外國人，去到當地，唔去攝入當地政治，基本上我哋無問題。如果當地經濟政治有咩問題，我哋都控制唔到。只要你，或者我本人，去個地方，唔好成盤雞蛋掟晒落去，慢慢逐步試，投石問路。」

馬來西亞真實創業’分享 馬來西亞為港人熱門移居地方之一，近年不少港人申請第二家園計劃（MM2H），但該計劃限制不可以創業及上班，但可以投資生意，成為股東賺取股息。除了投資餐館﹑房地產外，近年也有不少人投資榴槤生意。在馬來西亞經營榴槤生意22年的榴槤鮮生負責人謝健偉指， 當地人對榴槤需求龐大，即使在淡季仍每日消耗3噸榴槤，旺季更是每日十噸。 高峰期 日賣十噸 謝健偉指，馬來西亞以「貓山王」聞名，味道較為濃郁。即使在10﹑11月的淡季，仍可每日賣出逾兩噸，但由於淡季產量少，故價格比旺季貴一倍，每公斤達68元令吉（約136港元）6月旺季時，最高峰是日賣十噸，約7千顆榴槤。 他強調，每日出售新鮮榴槤，未能沽清也不會丟掉，會用來加工做甜品或醬料。目前加工貨倉約有6000平方呎，榴槤會「搣肉」再加工。另外，也會將新鮮榴槤出口，包香港果欄﹑澳門﹑杜拜﹑汶來﹑ 新加坡及台灣等，另外也有加工出口，例如中國﹑澳洲及加拿大等，目前年收入達8000萬令吉（約1.6億港元）。 揀榴槤在於手感 現在榴槤生意一帆風順，他指，22年前與朋友一同創業時，榴槤一點都不值錢，每日工作逾16個小時，清晨 6時起床，再到山頂收拾﹑運送榴槤，至中午十二時開賣，凌晨十二時才下班，長年累月下終於「捱出個未來」。對於「揀榴槤」他也有不少貼士，第一會重身，即是核小，第二，搖一搖裡面很響， 覺得裡面的肉比較鬆，才算是好的榴槤， 第三，聞一聞，有人喜歡苦味，有人喜歡甘香味，可以按照喜好選擇。 拍攝當天，參觀其中一個佔地逾3萬呎榴槤園，解構種植方法，現場種植超過200棵的榴槤。以往播種要等6年至7年才有第一造收成，其後，每年都有收成。謝健偉指，現時的品種，約3至4年就有第一造的榴槤，一棵榴槤樹的種植期通常有50至60年。最重要是水份及太陽充足，若太陽不足，樹葉及果實相對減少。 榴槤樹由開花到結果收成約120日，一般質素較好的榴槤樹，可以結出逾百棵榴槤。另外，他亦提醒，初結的果子若呈腰豆形，就有機會淪為「次果」，由於形狀不好，影響質素，故需「擇走」以免影響其他榴槤。

馬來西亞樓市各區分析 馬來西亞「我的第二家園計劃」（ＭＭ2Ｈ）近月備受港人熱捧，同時吸引港人投資大馬物業，但投資海外物業猶如隔山買牛。有專家指，海外買家適宜投資熱門城市例如吉隆坡﹑檳城等，但旅遊城市例如馬六甲，土著人口比例較高，承接力不高，故不宜沾手。 整體馬來西亞人口超過3200萬人，當中首都吉隆坡約180萬人 ，樓價雖比香港便宜，但在當地仍屬高價。早在80年代，馬來西亞經濟開放吸引外資前來設廠投資，當中較多華人聚居的檳城，州政府更推行免稅收，同時帶動房地產投資。整個馬來西亞樓價，在過去十年平均每年上升2至3%，以吉隆坡為例，對比十年前約有50%以上的增幅，其他城市則有20%至30%升幅。 除吉隆坡及檳城外，新山亦是追落後的城市。情況有如現時的香港及深圳，一橋之隔可來往馬來西亞及新加坡兩國，相信馬來西亞政府未來亦會投入資源在新山，預計房地產亦有明朗走勢。 若想置業最好是在新山市中心或是South Key區域，但邊陲位置治安欠佳。例如鄰近Lego land的Medini區域，入夜後人煙稀少，雖有不少新樓盤落成，但仍是十室九空。 另外不建議在旅遊城市馬六甲置業，最主要是當地土族佔比高達7成，然而當地人均收入偏低，平均月入約2000令吉（約4000港元）至3000令吉（約6000港元），海外買家以高價購入新盤後，難有二手承接力。